Ümumi məlumat
"Park Cıdır" yaşayış kompleksi paytaxtın Nərimanov rayonunda, İbrahimpaşa Dadaşov küçəsi 50 ünvanında, Gənclik metrostansiyası və Gənclik Mall ticarət mərkəzindən bir km məsafədə, Dövlət Cıdır Meydanının bənzərsiz mənzərəsində yüksələn 14 mərtəbəli binadır. Layihə üzrə yaşayış kompleksində ümümi 87 olmaqla, hər mərtəbədə 6 premium mənzil nəzərdə tutulub.
Tikinti işləri Bakı Şəhər İcra Hakimiyyətinin Memarlıq və Şəhərsalma Baş İdarəsinin təsdiqi ilə “AZENNE” İNŞAAT MMC tərəfindən həyata keçirilir.
Bina monolit betonla tikilir. Tikintidə A 500C markalı Rusiya istehsalı armaturdan istifadə olunur. Mənzillərə izo-sistemli enerji təsərrüfatlı pəncərələr qoyulacaq. Bloklar mərmər və oboy ilə tam təmir olunacaq. Qarajdan 14-cü mərtəbəyədək geniş və sürətli Alman istehsalı “Schindler” liftləri quraşdırılacaq. Bina seysmik davamlılığı 8 bala bərabərdir.
Kompleks nəqliyyat baxımından çox əlverişli məkanda yerləşir. Gənclik və Azadlıq metrolarından maşınla 5, piyada 15-20 dəqiqə məsafədə yerləşir. Avtobus dayanacaqlarından şəhərin hər yerinə marşrutlar işləyir.
Kompleksdə bir mərtəbəli 30 parklama yeri olan yeraltı avtodayanacaq və 1500 kvm-lik 3 mərtəbəli kommersiya sahəsi var. Kompleks müasir təhlükəsizlik sistemi, o cümlədən mühafizə və 24/7 videomüşahidə xidmətləri ilə təchiz olunub. Sakinlərin rahatlığı üçün kompleksdə istirahət zonası, uşaq, idman meydançaları, bağça nəzərdə tutulub. Sürətli internet və telekommunikasiya xətləri çəkiləcək. İstilik - kombi sistemi olmaq şərtilə, bina qazla təmin ediləcək.
Kompleksdə 2, 3 və 4 otaqlı 68 kvm-dən 230 kvm-dək mənzillər satılır. Mansard tipli mənzil olmayacaq. Mənzillərdə hündürlük 3.35 m. nəzərdə tutulub. Hər mənzildə balkon olacaq. Otaqları azad şəkildə planlamaq olar. Aylıq kommunal ödəniş haqqı bir kvm üçün 0.50 AZN hesablanacaq. Evlər təmirsizdir. Şəxsi istəkdən asılı olaraq tam təmirli mənzillər əldə etmək mümkündür. Çıxarış bina hazır olduqdan sonra, rəsmi müqavilə əsasında təqdim olunacaq.
Mənzillərin planlarına aşağıdakı linklərə klikləməklə baxa bilərsiniz:
2 otaqlı - 67.7 m2
2 otaqlı - 87.4 m2
3 otaqlı - 114.8 m2
3 otaqlı - 200.8 m2
4 otaqlı - 229.6 m2
"Park Cıdır" yaşayış kompleksində 1 m²-in qiyməti 1.550 manatdan başlayır. Ödəniş 100% edildikdə endirimlər oluna bilər.
Mənzilləri ilkin ödəniş mənzilin ümumi dəyərinin 10% olmaqla 12 aya qədər faizsiz daxili kreditlə əldə etmək olar. Mənzilləri kreditlə əldə edə bilmək üçün yalnız şəxsiyyət vəsiqəsi təqdim etmək yetərlidir. Əlavə məlumat əldə etmək üçün satış ofisi ilə əlaqə saxlanılmalıdır.
“Park Cıdır” bazarda gəlirlilik baxımından perspektivli layihələr biridir. Güclü infrastrukturu, yerləşmə məkanı, ətrafda çoxlu səfirliklərin olması baxımından, bura həm də icarədar investorlar üçün çox cəlbedici variantdır. Kiçik sahəli mənzillər (2 otaqlı) aylıq minimum 500 manata kirayə verilə bilər.
Kompleks şəhərin ən elitar yerlərindən birində, Dövlət Cıdır Meydanının yanında tikilir. Kompleksin yaxınlığında Atatürk parkı, 4 məktəb, Gənclik Mall, diplomatik nümayəndəliklər yerləşir.
Satış ofisi binanın sol tərəfində yerləşir və həftəiçi hər gün saat 9-dan 6-dək işləyir.
Əlaqə tel.: +994 50 241 11 12
EVLER.AZ-əmlakınızı rahat və qısa zamanda satın!
