Təmir işləri

Təmir - mürəkkəb və vaxt aparan prosesdir, bir çox amil və mərhələləri nəzərə almaq lazımdır.

“Təmir qurtarmır, ancaq dayanır”. Peşəsi təmir-tikinti ilə bağlı olmayan insanlar üçün bu proses çətin, vaxt aparan və stresli bir işdir. Ölkədə hamı materialların keyfiyyətindən, ustaların yarıtmazlığından və zövqsüzlükdən şikayətlənir. Amma təmir edərkən bu sahədə ixtisaslaşmış, professional şirkətlərə deyil, dost-tanış vasitəsilə tapdıqlara ustalara müraciər edir, sonda yenə də narazı qalırlar. 
Bu sahədə mövcud olan sualları cavablandırmaq, narazılıqların səbəbini tapmaq üçün bazarda nisbətən yeni fəaliyyət göstərən, amma artıq özünü təsdiq etmiş Moving House şirkətinin nümayəndəsi ilə müsahibə apardıq.   
 
 
Remart Group: Şirkətiniz haqqında ümumi məlumat verə bilərsiz?
 
Moving House: Şirkətimiz bazarda 2016-cı ildən fəaliyyət göstərir. Bu müddətdə paytaxda və regionlarda yüzlərlə həmvətənlərimizin əmlaklarının inşasını və əsaslı təmirini həyata keçirmişik. Ötən ilin iyul ayından isə şirkətimizə tikintisinə icazə tələb olunan böyük layihələrin inşası üçün dövlət tərəfindən lisenziya verilmişdir. 
Məqsədimiz müştərilərimizə zaman və əsəblərini itirməmək üçün müasir tələblərə uyğun keyfiyyətli dizayn və təmir xidmətləri göstərməkdir. 
 
RG: Bazarda bu qədər təmir-tikinti şirkətlərinin fəaliyyət göstərdiyi dövrdə sizi digərlərindən fərqləndirən nədir? İnsanlar niyə sizi seçməlidir?
 
MH: Üstünlüklərimiz ilə bağlı onu deyə bilərik ki, mal-material istehsalçıları ilə birbaşa əməkdaşlıq edirik və nəticədə müştəri üçün 30%-ə qədər maliyyə vəsaitinə qənaətə nail oluruq. Sağlam və işgüzar komanda qurmuşuq, yalnız peşəkar ustalarla işləyirik. Komandamızda keyfiyyətə nəzarət qrupu fəaliyyət göstərir və gördüyümüz işə zəmanət veririk. Görüləcək işlər və smeta xərcləri əvvəlcədən müqavilə ilə dəqiq təsdiqlənir. Bir sözlə, bizimlə işləyirsizsə, zaman itkisi və stresin nə olduğunu bilməyəcəksiz.
 
 
RG: Əsas suala keçək. İnsanlarımız niyə təmirdən narazıdır? Səbəb nədir, dizayner və ustaların peşəkar olmamaları, mənzillərin artıq tkilərkən düzgün planlaşdırılmaması, material seçiminin məhdud olması yoxsa başqa biz bilmədiyimiz məsələlər var? Ya insanlarımızın gözləntiləri real deyil?
 
MH: Səbəb həmişəki kimi bir dənə deyil. Dediyiniz səbəblərdən əlavə insanlarımızın bir çox hallarda işlərini düzgün planlaşdırmamalarını, büdcəni düzgün hesablamadıqlarını da göstərmək olar. 
Təmir ənənəvi olaraq ölkəmizdə dost-tanış tövsiyəsi üzərində qurulan bir iş olub. Burda qəbahətli heç nə yoxdur. Hər bir insan yaşayacağı evin rahat və ürəyincə olmasını istəyir və təbii ki, bu işi təsadüfi, tanımadığı şəxslərə tapşırmağa cəsarət etmir. Dostlar da adətən hərəsi bir sahənin ustasını tövsiyə edir. Nəticədə evin sahibi müxtəlif ustalarla ünsiyyətdə olur, onların ehtiyaclarını qarşılayır, belə desək hər birinin nazı ilə ayrıca oynayır. Sonra hər mal-material arxasınca özü qaçır, çünki dost tövsiyə etsə belə heç kimə inanmaq olmaz və s. Sonda da görülən işdən narazı qalır. 
Təmir kompleks şəkildə aparılan işdir. Bunu spontan qaydada aparmaq olmaz. Bəzi məsələlər vaxtında görülməyəndə, sonradan dəyişmək çətin olur və ya ümumiyyətlə mümkün olmur. Məsələn kondisioner borularını divar üzlənmədən və döşəmə vurulmadan rahat gizlətmək olardısa, bu işlər görüləndən sonra gərək üzdən aparasınız. Hələ divarı təzədən deşib cığır açmaq olar, amma döşəməni sökmək artıq gec olur.
 
RG: Mənzildə təmir işləri planlaşdıranlara nə məsləhət verə bilərsiniz: nədən başlamaq lazımdır? Risk etməyə dəyərmi ya işi şirkətlərə həvalə etmək daha yaxşıdır?
 
MH: Hər-bir halda təmirin layihəsi ilə başlamaq lazımdır. İstəklərinizi əvvəlcədən qeyd edin! Eyni zamanda, dizayn və təmir layihələri anlayışlarını ayırmaq lazımdır. Dizayn daha çox vizual hissə ilə bağlıdır: təmirin nəticəsi necə görünəcək. Təmir layihəsi isə yerinə yetiriləcək işlərin siyahısını, həcmini və xüsusiyyətlərini ehtiva edir. Biz həmişə dizayndan əvvəl ən azı bir dənə təmir layihəsinin tərtib edilməsini tövsiyə edirik. Özünüz təmir etməyi planlaşdırırsınızsa işiniz asanlaşacaq. Əgər təmir şirkəti ilə işləyirsizsə, bu sizə onların qarşısında düzgün tapşırıq qoya bilmək və daha sonra müvafiq işin hesabatını almaq imkanı verəcək. 
 
 
RG: Hansı materiallara üstünlük vermək daha yaxşıdır?
 
MH: Bu seçimlər təmirə başlamazdan əvvəl məqsədin nə olduğuna bağlıdır. Yaxşı və uzunmüddətli təmir istəyirsinizsə, diqqətinizi ekonom seqmentə deyil, komfort və hətta premium materiallara yönəltməlisiniz. Məsələn, linolium artıq keçmişdədir, bazarı parket və laminat tutub. Kiməsə keramoqranit xoş gəlir. Ənənəvi divar kağızlarını tapmaq getdikcə daha çətinləşir, çünki daha keyfiyyətli - flizelin materialından olanları əlverişli qiymətə tapmaq mümkündür. Boyana bilən divar kağızları trenddədir. Yeri gəlmişkən, çox yaxşı seçimdir: vaxt qazandırır və gözəl görünür.
Tavan təmirində ilk yerləri alçıpan konstruksiyaları və dartma tavanlar tutur. 
 
RG: Təmiri özünüz edirsizsə, proses bir il, hətta bir ildən də çox çəkə bilər. Sizdə təmir nə qədər çəkir? 
 
MH: Təmirin müddəti layihənin çətinliyindən asılıdır. Amma öz işlək proseslərimizi əsas tutaraq deyə bilərik ki, optimal müddətlər təklif edəcəyik. Hər bir halda, təmir müddəti ilə bağlı məsələlər müqavilədə əksini tapır. Müqavilədə şərtlərin dəqiq müəyyənləşdirilməsi müştəri qarşısında əhəmiyyətli maliyyə məsuliyyəti nəzərdə tutur. Biz bunu ən doğru yol hesab edirik.
Standart mənzillər haqqında danışsaq, studiyalar və birotaqlı mənzillər üçün təmir minimum 60, dördotaqlı mənzillər üçün maksimum 90 iş gününə qədər çəkir.
 
 
RG: Dizayn layihəsi həmişə lazımdırmı? Müştəri dizayn layihəsi üçün tapşırığı necə düzgün tərtib edə bilər? Rəng sxeminə əvvəlcədən qərar verilməli, hazır həllər göstərilməli, yoxsa proses tamam fərqli bir şəkildə baş verir?
 
MH: Dizayn layihəsi həmişə lazım olmur. Çox vaxt dizaynerlər bunun üçün çox pul tələb edirlər. Eyni zamanda, müştəri onsuz da nə istədiyini dəqiq bir şəkildə təsəvvür edir. Biraz ipucu verməsi kifayətdir. Ciddi yenidənqurma gözlənilmirsə, təmir layihəsi bəs edir. Layihədə istifadə olunacaq materialların siyahısı göstərilir və bu kifayət edir. Prosesi asanlaşdırmaq üçün internetdən ən çox bəyənilən dizayn şəkillərini seçməyi təklif edirik. Təmir layihəsini tərtib edərkən şirkətimizin dizayneri müəyyən planların reallaşdırılması, materialların seçilməsi ilə bağlı təkliflər verir. Əsas məsələlərdən biri də mebellərin yerinin düzgün planlaşdırılmasıdır. Dizaynerimiz bu məsələdə də  köməklik göstərir.
 
RG: İndi nə dəbdədir? Müştərilər sizə ən çox hansı sualları verir?
 
MH: Hazırda müasir üslub dəbdədir, minimalizmlə də tez-tez rastlaşırıq. Bu başa düşüləndir: müştərilər hər kvadrat metrdən səmərəli istifadə etmək istəyirlər. LOFT stilinə üstünlük verənlər də çoxalır. Bəzən hətta kərpicin ağ rəngdə boyanılmasını da istəyənlər olur. Yeri gəlmişkən, çox yaxşı görünür.
 
 
RG: Müştəri təmirə nə qədər xərcləyəcəyini, yəni büdcənin necə hesablandığını necə başa düşə bilər?
 
MH: Təxmini bir qiymətdən danışırıqsa, portfelimizdə artıq həyata keçirilmiş layihələrə baxmaq olar. Dəqiq qiymətə ehtiyac varsa, bunu təmir layihəsi hazırlandıqdan dərhal sonra müəyyən etmək olar. Bu zaman bütün işlər, materiallar və son qiymətə təsir göstərə biləcək digər nüanslar aydın olacaq. Müqavilədə də məbləği dəqiq müəyyənləşdiririk və mümkün olduğu qədər ondan kənara çıxmırıq.
 
 
Əlaqə vasitələri:
 
Moving House
Tel.: +99450 333 11 43
 
 
Oxşar məqalələr
İstanbulda əmlak
Bu məqalədə İstanbulda daşınmaz əmlak və əcnəbilər üçün inve...
Türkiyə əmlak bazarı
Xaricdə əmlak almağı planlaşdıranlar üçün ən əsas məsələ düz...
Kristal Abşeron
Xəyallarınızı inşa edirik
Melissa Group
İdeal həyat fikrini reallaşdır
Resant Real Estate
Rahatlığı və gözəlliyi birləşdiririk.
Olympus Park
Olympus Park - Dünyaya Zirvədən Baxın
İpoteka kreditlərinin verilməsi şərtləri
İpoteka kreditlərinin verilməsi şərtləri, irəli sürülən tələ...
İpoteka krediti nədir və onu necə almaq olar?
İpoteka nədir, neçə növü var, bütün riskləri necə nəzərə alm...
Remart mobil tətbiqi
Daşınmaz əmlak əməliyyatlarının idarə olunmasında yeni mobil...
Daşınmaz əmlak sorğusu
Sorğu daşınmaz əmlak alqı-satqısı prosesində rastlaşdığınız...
İnşaat proseslərinin idarə edilməsində yeni texnol...
İnşaat sektoru hər bir ölkənin iqtisadiyyatında mühüm yer tu...
Ağ Şəhərdə mənzil sahibi olmağın 9 üstünlüyü
Hazırda Bakı buxtasının mərkəzində yerləşən Qara Şəhərin obr...
Lighthouse Residence
Paytaxtımızın ən gözəl şəhərkənarı məkanı, öz möhtəşəm dəniz...
"Teras Park" - Yaşayış Kompleksi
"Teras Park" yaşayış kompleksinin inşаsı ekoloji cəhətdən tə...
Zirve Residence - Premium Yaşayış Kompleksi
"Zirve Residence" bazarda gəlirlilik baxımından ən perspekti...
Park Bayıl - Premium Yaşayış Kompleksi
Yeni “Park Bayıl” premium yaşayış kompleksi şəhərimizin misi...
Özüm satıram!
Mənzili özünüzün satmağınızın üstünlükləri: Danışıqlarda üçü...
Mənzil satıram. Aşağı yeri var?
Danışıqlar zamanı hər bir şəxs özü üçün yaxşı olan nəticəyə...
Əmlakın satış planı
Əmlak kimi bahalı “malı” satmaq asandırmı? Real alıcı tapmaq...
Daşınmaz əmlakın likvidliyi
Likvidlik anlayışı daşınmaz əmlakın alqı-satqısı ilə məşğul...
Mənzilinizi necə tez sata bilərsiniz?
Mənzilinizi satarkən həddən artıq tələsmək xeyir gətirmir. E...
Global Promotion Group - xarici mülkiyyət və inves...
Daşınmaz əmlaka investisiya ən etibarlı yatırımlardan biri s...
İndi Dubay zamanıdır
2010-cu ildə dünyada ən hündür binanın - Burj Khalifanın açı...
REMART GROUP haqqında
Remart sözü - Real Estate Market (ingiliscədən «Daşınmaz Əml...
Panorama Bayıl - Premium Yaşayış Kompleksi
“Pilot layihə”lər sırasında “Panorama Bayıl” Premium Yaşayış...
Eviniz - Həyat tərzinizdir
Yeni ev seçərkən biz təkcə kvadrat metrlər almırıq, həm də y...
Tövsiyyə olunan məqalələr